Khtobah GBKP 27 november 2016

Bimbingan Khotbah 27 November 2016 (advent I)
Invocatio : 1 Petrus 1:13
Ogen : Matius 24:36-44
Khotbah : Yesaya 2:1-5
Tema : Arah dalanNa me erdalin kita

Perlebe
Adi ate  lawes ku bas sada ingan lit dua hal si la banci lang e harus lit bas kita. Si pemana emakap jelas ku ja tujunta. Enda hal si penting si labanci lang harus lit. Ula kari lawes kita ku sada ingan la si eteh ku ja kin tujun perdalananta. Sipeduaken uga carana gelah banci seh ku bas ingan si ni tuju. Adi medan ku kabanjahe tentu lit piga piga dalanna, banci arah berastagi, banci ka arah siantar,  ntah pe arah dalan si deban. Tapi tentu bas buena pilihen dalan si lit lit ka konsekwensi konsekwensi si la banci lang si aloken adi sipilih salah sada dalan. Bahkan kemungkinen terburuk emekap banci saja kita nggo salah jalan ntah pe papak.

Konteks Yesaya
Yesaya 1-39 itulisken ibas paksa  Yehuda (kerajaan Selatan) i ancam bangsa asyur. Kondisi enda muncul labo erkiteken gegehna bangsa Asyur tapi erkiteken nggo nilahna bangsa Israel (Yehuda) arah Dibata nari. Bas paksa e pe terjadi gangguan politik ija bangsa Israel Utara ras bangsa Yehuda si berbatasen ras Funisia bagepe aram menjalin hubungen perekonomian si berakibat munculna pengelompoken masyarakat antara kalak bayak ras pemilik modal.  Kedua kelompok enda guna kebutuhen perdagangenna melala nyogok pemerintah sierbahanca pemerintah tuhu tuhu korupsi paksa e. Kondisi perekonomian si bagenda me erbahnca melala rakyat kecil menderita erkiteken penindasen siilakoken pemilik modal bagepe pemerintah. Endam si jadi soroten man Yesaya ibas kitab Yesaya bagin si pemena enda.

Yesaya 2;1
Ibas bagin enda ituriken bahwa Dibata ngerana/mereken Firman (Dabar) Yesaya. Kata enda situhuna berpusat kerna kerajaan utara si ibukota pemerintahenna i Judea ras pusat kemagamaanna  i Yerusalem. Maka jelasme bahwa kata enda secara khusus i tujuken Dibata arah Yesaya man bangsa Israel si i Kerajaan utara.
Yesaya 2:2
Reh me warina i ja Dibata reh arah deleng si meganjangna. Ibas konsep kalak Israel rusur denga lit pemahaman bahwa Dibata e inganna emekap ibas ingan si meganjangna. Emaka ban deleng me ingan si meganjangna maka i je me ingan Dibata pe. Emaka Dibata si igambarken ayat 2 enda emekap Dibata si ringan ibas deleng si meganjangna kal. Kata enda me sebagai gambaren ise kin Dibata e ibandingken ras dibata-dibata si genduari nggo isembah kalak Israel. Posisi Dibata ndauh ganjangen asa Dibata si deban.

Yesaya2:3
Bangsa-bangsa si deban kedungenna reh ku Yerusalem. Kata enda nuriken uga dauhna jangkauan berita kerna kinimbisan Dibata. kalak Yehuda si lit ndeherken deleng e lanai ibegina, tapi kalak si ndauh-ndauh ibegikenna sora e. Maka menarik mbegiken uga pengakun bangsa-bangsa e. Lit sada nilai “kepasrahan” si banci si baca arah kai sini belasken bangsa e. Kata yara banci iertiken pe ajaran. Ertina Dibata me si meteh dalan ku keterkelinen. Emaka kai kin ajarenna e lah ikutken sebab e me dalan ku keterkelinen. Teks enda banci jadi poin bahan khotbahta bahwa Dibata me sumber arah kegeluhen. Kalak si ateNa ngeluh sipertama harus me idahiNa ia emaka kenca bage iikutken ajarenNa. Si dua hal enda sada kesatun si la banci ipisahken.

Yesaya 2:4
Teks ini banci ikataken tambahen ibas ayat sebelumna. Ia merupaken sada keterangen akibat/dampak adi ngikutken sura-sura Dibata. lit perubahen si banci kataken signifikan. Sebab alat si gelgel ipake perang gundari ipake guna dahin kekelengen. Emaka ajaren Dibata berdampak kubas sada perdamen.

Yesaya 2:5
Kata enda jadi pengajuk. Lit tambahen kata terang ibas ayat enda. Bas bahasa Ibrani terang itulisken or sibanci iertiken terang ntahpe tanda. Meka terang e la ngenca banci jadi alat penerang tapi sekaligus ia pe jadi penanda/rambu kegeluhen. Ise atena selamat tentu harus ngikutken tanda terang e.

Pengekanina
Manusia erbage-bage tujunna geluh i doni enda. Manusia si erkiniteken man Dibata tujun ngeluhna emekap ndatken keselamaten ibas Dibata nari. Bas si e haruslah menjadi jelas lebe man banta. Bahwa tujun kegeluhenta emekap ndatken keselamaten. Kalak si atena ndatken keselamaten e la banci lang harus me ikutkenNa Dibata. labo kita banci selamat adi labo siikutken dalan si isikapken Dibata man banta.
Tema besar advent sipemena bas kalender liturgi emekap kerna uga sikap gereja  nimai kerehen Yesus Kristus si pedua kaliken sikerehenNa guna nebusi manusia. Gereja (Jemaat) haruslah mpesikap diriNa ngalo ngalo kerehen Dibata e alu lawes nadingken kebiasaan si ndekah nangkih ku rumah Dibata gelah banci idatkenna pengajaren si mabai keterkelinen.
Bahan ogenta jelas mpersingeti bahwa kerehen Dibata si peduakaliken e rehNa bagi pinangko. Emaka gelah terkelin kita pagi bas dalan si harusna ibentasi “motor” Dibata e pagi reh je lah kita gelah sanga reh Ia pagi atan kita.

Khotbah GBKP tanggal 20 november 2016

Invocatio :  1 korinti 15:10
Ogen        : masmur 46:1-12
Khotbah. : Kolose 1:11-20
Tema.      : megegeh ibas Tuhan (kuat di dalam Tuhan)

Perlebe
Kerina manusia lit kebiaren kebiarenna masing.  Kebiaren e banci macam macam bentukna.  Banci biar man bos,  man binantang ntah pe banci saja man perbulangen atau ndeharana.  Salah sada kebiaren si secara umum kerina manusia ngejapkenca emekap kematen.  Kematen alu erbage bage misteri si la terpecahken mereken kebiaren tersendiri man hampir kerina manusia.  Benai Cara perpate,  ku ja kalak mate ras melala denga kebiaren kebiaren si banci saja mpeturah erbage kebiaren man manusia. 

Teks khotbah
Surat kolose isuratken paulus guna jabab kebiaren si turah bas kegeluhen jemaat khususna kerna kegeluhen si rasa lalap/kematen. salah sada persoalen si turah bas perpulungen paksa e emekap kerna syarat guna banci ndatken kegeluhen si rasa lalap.  Piga piga pengajaren siturah e nina maka keselamaten banci ialoken arah penembahen dewa dewa rikutpe ras ndalanken aturen sunat ras si debanna.  Tentu keadaan enda mbereken sada persoalen itengah perpulungen ras e me si erbahanca paulus Kedungenn ngirimken surat enda.

Ibas ayat 11 paulus mbenai bahwa ulu gegeh si utama bas manusia emekap Dibata.  Di ras kita gegeh e ugapape sekali model kiniseran si reh la Kita mbiar.  Ugakape reh na sekali pengajaren si papak e la ka erbanca maka kita banci papak erkiteken megegeh kita.  Secara tidak lagsung paulus nuriken dingen menentang bahwa labo lit gegeh si deban seakatan gegeh Dibata.
Ayat 12 nuriken bahwa Dibata sierbahanca manusia metunggung. Kata metunggung bas bahasa yunani emekap ikanosanti  si banci iertiken membuat mampu,  membuat sanggup ras membuat layak.  Kata enda mempertegas bahwa keselamatan si ialoken manusia emekap anugrah sibereken atas inisiatif Dibata labo. Erkiteken gegeh ngasup manusi.  Dibata ngge si ngelepasken (errusto si banci iertiken rescue/nelamatken manusia si la nai ngasup)  ayat 13. Arah enda erjelasna bahwa konsep keselamaten si ibangun paulus emekap keselamaten si turah arah anugerah penelamten ibas dosa.

Ayat 15-20 merupaken sada pengakun Kristologi paulus.  Teks enda bagi sada syair si mengambarken ise kin Yesus e.  Gambaren kristologi enda jelas ertujun guna ngelawan pengajaren pengajaren arah guru guru si nggo mereken pengajaren si papak.  Kristus e me Dibata si teridah.  Enda ngambarken posisi kristus bas Dibata.  Arah pengakun enda mabai jemaat guna lanai gidah Yesus seri ras guru ntah dewa dewi si ipuji kalak kolose sebab kristus eme Dibata si nepa doni.

Pengkenaina
Lit sada lagu Taize si isadur GBKP alu judul arah tuhan aku megegeh.  Lagu enda nuriken maka adi ras Tuhan lit kesenangen ras kemenangen.  Banci turah penungkunen la lah ban la siakui dingen sipakeken gegeh Dibata maka seh asa gundari medangel lalap siakap ndalani geluh enda?  Adi gegeh sideban uluna banci ku kinikoten geluh,  latih dung e mate. Adi gegeh Tuhan mama keriahen sierujung kiniterkelinen.
Mazmur 46 ogenta merupakan sada gambaran Dibata si muncul arah anak korah.  Teks enda jelas mengambarken melala kebiaren bas kegeluhen tapi la itadingken Dibata manusia.  Manusia megegeh labo ban hebatna ia tapi erkiten Dibata jadi temanna.  Adi nggo Dibata temanta dingen si nelamatken kita Maka kai nari kin kebiarenta?  Adi bas jaminen e pe kebiaren denga kita si man koreksin emekap kinitekenta.
Minggu enda emekap minggu pendungi tahun gereja.  Sada sisi nggo kita seh bas tahun liturginta,  seh kita bas sisi e ban temani Dibata kita.  Sisi sipeduaken emekap uga lit temanta sj lanai ras kita erkiteken nggo ngadap man Dibata.  Man keluarga siitadingken kata enda pe atan man banta bahwa megegeh kita Dibata temanta.  Si nggo mate e arah Kinitekenta atan ngge ia pagi bas kegeluhen si Ras lalap. 

Pekan baru,  19 nopember 2016

Pdt.  Jepri a keliat